23th सितंबर ’बेवसि’, किशनचंद तीर्थदास खत्रीअ जी वर्सी आहे- ’बेवसि’, किशनचन्द तीर्थदासु खत्री

किशनचन्द -तीर्थदासु खत्री ‘बेवसि’, ज़दीदु सिन्धी शाइरीअ खे नओं मोड़ ॾियणु वारो शाइरु हो . हुन 25 फ़ेबरिवरी 1885 ते लाड़िकाणे में जनमु वरितो . संदसि पीउ तीर्थदासु खत्री हकीमु हो . बेवसि खे ॿ ॿिया भाउर बि हुआ, हिकु तोलारामु, जेको अंग्रेज़ीअ जो मास्तरु हो ऐं ॿियो मोतीराम कोर्ट में क्लास हलाए, टेगोर जी शख्सियत ऐं शाइरीअ ते लेक्चर ॾींदो रहियो बेवसि ॿारनि लाइ निहायत ख़ूबसूरत शाइरी कई आहे . उन ज़माने में दादा शेवकु भोॼराज, बेवसि जे ॿाराणनि नाटकनि में किरिदारु अदा कंदो हो ऐं उहे नाटक बेवस जे घर ॿाहिरां थींदा हुआ उते ॿालकनि जे ॿारीअ जा मेड़ु बि थींदा हुआ हुन फ़रिश्ते सिफ़त -इन्सानु लाड़िकाणे में ॿारड़नि जो पहिरियों वॾो मेड़ु बि कोठायो हो संदसि ॿाराणन गीतनि जो किताबु मौजी गीत जे नाले सां छपियल आहे .
बेवसि सिन्धी शाइरीअ जी तारीख़ में सदाईं जिंदह रहंदो . हुन जी शाइराणीअं वाट ते हलंदे, हूंद राजु दुखायलु, हरी दिलगीरु, नाराइण श्यामु ऐं शेख़ु अयाज़ु सिंधी बो॒लीअ जा देव क़ामत शाइरु थी उभिरिया . बेवसि जी शाइरीअ जे किताबनि जी तफ़सील हिन रीति आहे
”सामुंडी सिपूं (1929ऐं)दानी (बेवसि ऐं ॿियनि जी शाइरी 1939ऐं), गुरू नानक जीवनु कविता (1935ऐं), मौजी गीतु (1935ऐं, इंडलठि (हिक फसला नाटक 1939ऐं), शइरु बेवसि (1951ऐं), बेवसि गीता 1960ऐं), सॾु पड़ाॾो साॻियो (बेवसि जी शाइरीअ जो गॾियलु किताबु 1984ऐं), कुलयात बेवसि (मरतबु महमूद शाहु बुख़ारी 1991ऐं ), छह छह पैसा, ॿ ॿ पायूं (मरतबु नसीर मिर्ज़ा2001ऐं), शाया थियल आहिनि . उन खां सवाइ संदसि शाइराणी ॾाति, शख्सियत ऐं फ़न ते केतिराई किताब छपाया विया आहिनि, जहिड़ो कि ”किशनचन्दु बेवसि (लेखकु हरी दिलगीरु1982ऐं), बेवसि जी कविता जो जाइज़ो (मरतबु हरी दिलगीरु1993 ऐं), बेवसि हिकु अभ्यासु 1972ऐं), शाइरु त बेवसि (ॿलदेव गाजरा1983ऐं), -बेवसि हिकु गुलदस्तो- (लेखकु हरी दिलगीरु 1993 वग़ेरह।

यादि रहे त किशनचन्द बेवसि जी हर शाइरीअ जे किताब ऐं संदसि फ़न ऐं शख्सियत ते लिखियलु किताबनि जा केतिराई छापा शाया थी चका आहिनि।

(किशनचंद बेवसि *23 सेप्टेम्बरु1947 जे ॾींहुं वफ़ात कई )
-प्रेम तनवानी की कलम से