राजकुमार मसंद राज की सिंधी गजल- निभाइणु महोबत मुश्किल लॻे पर

हयातीअ जा लम्हां उञारा उञारा
उञायल किनारा लॻनि जिअं नदीअ जा

निभाइणु महोबत मुश्किल लॻे पर
फिटाइण जा आहिन घणेई तरीका

लिके थो हू मूंखां हमेशा इएं जिअं
लिकी बादलनि में वञनि ॼणु के तारा

मिलण खां नटण जा बहाना करे थो
पुराणा लॻनि था समूरा बहाना

ॾके कीन को ईश्वर खां हिते अॼु
हिते आदमी आदमीअ खां ॾकनि था

गुजारी उमिरि मान अभिमान में थसि
कया कीन माण्हूं कठा चार पंहिंजा

उभामनि था उदमा ज्वाला मुखी ज्यां
अंदर बाहि जा ॼणु रहनि था के लावा

अञां जिन्दगीअ खे निखारिणु थो चाहियां
हणो “राज” दिल ते अञां कुझु हथोरा