पदमश्री दादा हून्दराज दुखायल

---

     जींअ भारत में मैथिलीशरण गुप्त खे राष्टी कवि चयो वेन्दो आहे तींअ सिन्ध जो कौमी कवि दादा हून्दराज दुखायल आहे.जहिं पहिंजियुुनि कवीताउनि ऐं गीतनि ज़रिए सिन्ध जे गो_ठ गो_ठ में देश भगतीअ जो आवाज़ पहुचायो ऐं अवाम में सुजागी_ आन्दी.

   दादा हून्दराज लीलाराम माणिक दुखायल जो जनमु सिन्ध जे लाड़काणा शहर में 16 जनवरी 1910 में थियो हो.संदसि पिता श्री लीलाराम जे सूफी वीचारनि जो हून्दराज मथां घणो असरु पियो ऐं हुन अठनि नवनि सालनि जी उमिरि में ई गीत लिखणु शुरू कया.मशहूरु शाइर किशन चन्द बेवसि जी रहबरी ऐं शागिर्दी में हुननि काव्य कला जो अभ्यास कयो ऐं चोड॒हनि सालनि जी उमिरि में सन् 1924 में हुननि जे गीतनि जो पहिरियों किताबु , कृष्ण भजनावली , जे नाले सां शाया थियो.

स्कूली जीवन खां ई हू गान्धीअ जी कौमी विचारधारा सां मुतासिर थी वीहनि सालनि जी उमिरि में ई आजा़दीअ जी 

लडा़ईअ में टिपी पियो.हुन बा_ रनि जी वानर सेना ऐं स्वराज सेना ठाहे विदेशी माल जो बहिष्कार करण जो आन्दोलन हलायो.

      हू कवी सां गडो_ गडु_  सुठो गा_ ईन्दड़ु बि हो ऐं खंजरी ( ढ़फली ) वजा_ ईन्दे कौमी तराना ऐं गीत गा_ ईन्दो हो.जड_ हिं गान्धी सिन्ध में आयो हो त हुन गा_ यो

राम आयो, श्याम आयो , गान्धी घनश्याम आयो |
अजु_ त मुहिंजो राम आयो,
गान्धी घनश्याम आयो ।।

  हुन जा कुल 7 किताब शाया थिया जिन खे पोइ गडे_ हिक ई जिल्द में " संगीत अंजली " नाले सां छपायो वियो.

   सन् 1984 में भारत सरकार हुन खे " पदमश्री " जी उपाधी डि_ नी.

   21 नवम्बर 2003 ते आदीपुर में हुननि जो सुर्गवासु थियो.सिन्धी कौम खे फखु़र आहे त अहिडा़ लाखीणा लाल सिन्ध जी भूमीअ ते पैदा थिया.

 राजकुमारी बजाज

परमानन्द पंजवानी
आनन्द सेवा संस्थान , कानपुर