ईश्वर जी चविणी

ईश्वर चवे थो – ऐ इंसान !

तूं जोती सरूपु आहीं ,
पंहिंजो मूलु सुञाणु ।
हिन जग॒ में तूं आयो आहीं ,
बणिजी हिकु महिमाणु ॥

सभु कुझु आहे डि॒नलु मुंहिंजो ई ,
पोइ छा जो घमंडु थो करीं ?
अची मिलन्दो हिक डीं॒हं मूंखे ई ,
पोइ छा जो डु॒खु थो करीं ?

सडा॒ए को केडो॒ बि समझू , ज्ञानी पाण खे ,
 मूंखां वडो॒ को थी न सघंदो ।
 निमाणो ठाहे वठु तूं पाण खे ,
 मूंखां अलगि॒ तोखे को करे न सघंदो ॥

पंहिंजे धरम ते हलंदो रहु ,
बि॒ए जो धरम न अपिनाइ तूं ।
सभिनी जीवनि में मूंखे डि॒संदो रहु ,
कहिंजी बि दिलि न डु॒खाइ तूं ॥

   हाज़िर हर हंधि आहियां मां ,
   दिलि सां मूंखे पुकारे त डि॒सु।
    कार्ज सभेई रास कयां मां,
    वेसाहु रखी अर्पणु करे त डि॒सु ॥ 

       शोभना हरगुनानी "मुकेश"
                कानपुर